Klaus Pretor © 2007
Mien Gripswold - Wieck

Ik bruk nich na Holland,
ik heff doch Gripswold-Wieck.
Dor danzen de Schäpp`n
up dat Warer von`n Ryck,
dor hür ik de Möwen
un dor rückt dat na Fisch.
Ji verstahn, wat ik mein
un dat ik nicks nich vermiß?

Ik heff hier mien Holland,
dat is un`s Gripswold – Wieck:
Na de Windmoehl un Holtbrügg
kümmt ok all de gräune Diek.
Schiffsmasten un Sägels
Recken hoch in`n Häben,
de Luft is rein un frisch,
kannt` wat Bädres gäben?

Ik reis nich na Holland,
ik gah na Gripswold – Wieck.
Ik stiech up denn`Damper
un kann kieken so wiet.
Bodden vör de Husdör,
denn` Goorden achtern Diek:
Arbeit, Urlaub taugliek!

Oft stah ik an`n Haben
un bekiek mi de Welt,
snack giern plattdüüsch,
wenn sik einer tau mi gesellt.
Dat Tuckern von`n Kutter
klingt as Countrymusic.
Dat is holländisch Flair
bi uns in Gripswaold – Wieck.

(H. Gienke, August 2005)